報名參加渣打馬拉松2013

自從收到R同學通知，渣打馬拉松2013的十公里是在10月31日接受網上報名，我就很緊張咁係schedule的Apps上set左Alarm去提提醒自己記得去報名。

因為舊年唔記得左去報名，等我知道時已經滿額了。

由於越來越多人參加馬拉松，所以往往接受報名的頭一兩天名額已經滿了。
心想今年一定要報到名，所以我昨晚唔夠膽早睡，一早坐係電腦旁儍等到10月31日的零晨零時才入去報名，等到零晨入去報名website後，才知道原來是10月31日的早上七點鐘才開始接受報名，真失望！

昨晚睡也睡得不太安穩，6點零鐘已經醒，再入website竟然入唔到，可能是正在update 個website吧！

再等到接近七點鐘，終於可以進入website了，但是只限於報名指示一頁，再click入去總是話system busy....真無言！！

唔通香港有咁多似我呢種儍人正在等候準時七點入去報名？
搞到網站大塞車！唔係？@@@@

等了又等.......
終於係差唔多九點鐘時俾我入到去，而且成功報了名。

但我老友O小姐試了很多次都話system busy....
她也是朝早八點幾開始入，入到十一點幾....
她一心等網絡比較順再入過，但都失敗。
直到下午五點鐘，我決定帮她報名，但這時候仍然是system busy....
正要放棄時，system終於唔busy了，但卻話你知10公里已經full了.....
流涙.....@@@@

我問了其他兩位都打算報10公里的朋友，他們都話報唔到。
只有跑半碼的R同學及我報到名。
即係話今年要自己跑，唔可以約一大班人一齊跑，
真有D失望!!!

估唔到家下報名跑馬拉松竟然好似炒i-phone 那樣，要搶架......!!!
慢少少都沒位......???