曼谷遊- Day 4 (28 Jan 2012)

DAY 4 – 年初六 (JAN 28, 2012)

酒店早餐 -> Chatuchak週末市場 -> 午餐於Chatuchak週末市場-> Ruen Nuad Massage Studio按摩->建興酒家（Somboon Seafood）晚餐->返酒店休息

我們十一點半搭的士去年Chatuchak週末市場，不用太早去，它十一點半オ開。

呢一隻烤肉薄餅係新的，以前係Chatuchak週末市場見唔到有得吃, 大排長龍，我哋排左差唔多8分鐘才買到....好好食...

最鍾意係呢樹的椰子雪糕....似Sorbet多過似Ice cream因為牛奶含量少，食左唔怕肥...又有一杯椰青水送俾你飲...好正....我毎次來Chatuchak週末市場都必食!!...

因為，一路逛街一路買東西食，唔係好覺得肚餓。最後，怕媽媽肚餓，只係隨便係Chatuchak週末市場內搵一檔攤坐，各人食左一碗魚蛋河就算數，但係泰國的魚蛋河真係毎一檔都好好食，唔會令你失望！..

因為係Chatuchak週末市場買左太多唔等用的東酉, 泰幣用剩千五元, 又唔記得 Ruen Nuad Massage Studio按摩要幾多錢，怕唔夠錢，但make左appointment係5:30分，只有去佐先，好彩只你3百泰幣一個人，還夠錢俾100泰幣貼士.

按完摩後已經是晚上7點幾，天已經很黑了，係Soi Convent行去BTS Sala Daeng站，有一段距離，大約行5-7分鐘，條路有D黑，好彩之前行過幾次。但真是唔適合初來旅行的人行，最好係門口就搭的士走人。但是，我們因為要去<建興酒家>吃晩飯，搭的士又怕俾的士司機老點去假建興酒家，再加加上自己身上只剩下700泰幣，所以我們還是行路去 Sala Daeng站.

我們係 Sala Daeng站附近的找換店換了1仟元港幣, 匯率唔算高只是3.7，但總算夠錢俾我們用到明天離開曼谷。

係BTS Sala Daeng站搭一站到Chong Nonsi站下車, 係3號出口( EXIT 3 ) 出，轉左看到永和豆漿, 向前走第2個紅綠燈, 過了Silom road 的十字路口再往前直走，再行行大約7-8分鐘就到了建興酒家。條路真係有D黑，沿途不是太多人行，如果多人一起去就好，如果唔係太多人好像我同媽媽，我不建議太夜去，最好就早D去。因為，我是第一次來這間<建興酒家>，唔知要行幾遠，我同媽媽越行越驚，行行下有D想效棄唔食，好彩最後都到達。

這間見興很大，我幾層樓，我同媽媽被安排在3樓，還要等3-4分鐘才有位。這裡應該招呼很多旅行圑，我見門口有有旅遊車，很多講國語的大陸圑。

只係兩個人，我們叫唔到太多東西食，但是主角招牌菜咖哩炒蟹及魚一定不可錯過，而且價錢好, 只是1130泰幣，即HK$300都唔洗。
總之，好好食...下次一定再來食。

食完後已經九點幾，我們係酒家門口叫的士去酒店，大約70泰幣，沿途經Silom夜市，好熱鬧。酒家實際與我們住的酒店只有兩地鐵站距離，好近.!!!

這樣就結束我們2012第4天新年曼谷遊!!