由長洲返回到中環後，已經很肚餓了，但又唔想隨便係「大家樂」吃一餐算數，經過商量後決定去很多人推薦的北角渣華道市政街市大樓的「東寶小館」。
我們由中環站搭地鐡到北角站，係北角渣華道出口出，再過碼路去對面的北角市政街市大樓，我們從側邊有自動電梯上樓，一到一樓就見到好多唔同的大排檔，但都唔係「東寶小館」，要一直行入去到中間見到最多客人／生意最好那檔就是。
因為我們是臨時決定來的，所以並沒有定位，要去正門等安排位置，好彩並不用等超過半小時就有位。入座後，伙記會立即遞上菜牌，裡面的菜款很多，我們隨便叫了五個菜及3支樽裝可樂。
＜竹枝羊肉煲＞
見到幾乎每桌都有這個菜就跟住叫點了。D竹枝及羊肉都非常入味，而且羊肉非常鲜嫩好味的，非常適合在冬天食用，D湯汁用來送飯好正，稍為歉D羊肉唔夠多，得幾塊。
＜清炒豆苗＞
沒有什麼好講普通菜一碟，但本人又非常喜歡食清炒豆苗所以覺得好好味，最重要它送一碟的腐乳給你點，幾特別，好似吃腐乳通菜般!!@@@
＜蒜蓉粉絲蒸聖子＞
又係見到人點就跟住點的。大大隻的聖子破開，撒些蒜蓉及粉絲於聖子上面蒸，蒸後再撒上「自家做的香炒蒜末」係上面。呢碟菜D聖子好大隻，蒸得非常入味，而且不油膩。是最早被吃清的一碟菜!!
＜風沙雞＞
是東寶小館的招牌菜之一。類似吊燒雞，燒完後又再撒上「自家做的香炒蒜末」係上面。雞的外皮酥脆，裡面的雞肉鮮嫩多汁，比「潮樓」的風沙雞好食。但本人對煎炸油膩都食得少，不覺非食不可。
也是東寶小館的招牌菜之一。用切左粒的叉燒，菜心莖部，瑤柱，蝦及蛋去炒飯，炒完之後又再撒上「自家做的香炒蒜末」係上面。這碟飯炒得很乾身，飯粒分明，餘配料亦多，卻食不到薑味，有點兒改錯名吧? 但因其份量超級大，加上炒得好食吃，就不要挑剔人家的名了!!!
＜薑汁蕃薯糖水＞
飯後有免費糖水送。是一大碗薑汁蕃薯糖水。這熱騰騰的薑汁蕃薯糖水很適合冬天去寒飲，但因為我們都已經很飽了，所以之是吃了幾口就算。
我們這餐食左港紙六佰幾，即一人百幾。幾OK!!
我發覺「東寶小館」每碟菜都會撒上「自家做的香炒蒜末」係上面??可能也是他們的招牌之一吧!!!
沒有留言:
張貼留言