又平又好用的面膜粉

最近，深受「暗瘡」及「暗瘡印」困擾，醫好「暗瘡」又受「暗瘡印」困擾…！真係好煩架…！！

去暗瘡印膏產品
市面上最常見的去暗瘡印膏，例如「秀碧除疤膏」Contractubex 及「喜療疤」Hiruscar，兩隻我都買來試過，兩隻都睇唔到效果！

去暗瘡印方法
記得讀書時，有位同學仔滿面「暗瘡」，後來中七果年，她去左「夏威夷」升學，開始懂得貪靚，放假返香港成日去做Facial，而且會買一大堆「面膜粉」返「夏威夷」繼續做面膜。後來，有年暑假她再返香港，皮膚已經變到白白淨淨，完全想像唔到她以前係滿面「暗瘡」的。

問她點解皮膚變到咁靚，她話因為她勤力做MASK，重係用好平…好平的方法…！！原來她做Facial的美容院小姐介紹她用「黛美綠葉素」去暗瘡「面膜粉」，叫她在「夏威夷」讀書時一星期做2-3次，就可以改善皮膚。呢種「面膜粉」除了在「美容院」可以買到，在「卓悅」也可以買到，當年港幣10元5包，買20-30元就可以用好耐，好好用…！！

自從她教識我哋呢班同學仔去「暗瘡印」方法後，我經常介紹俾其他人用。但是時代不斷進步，人又越來越懶，就越來越少用呢種方法。但是，我仍然經常去「卓悅」買一些來儲貨。

後來，紙制面膜越來越流行，就比較少用面膜粉。而「卓悅」也買不到「黛美」面膜粉了。只有一隻叫做「純美」的面膜粉，價錢已經是港幣10元3包，而功能方面，我就覺得差唔多。我也是經常買一大堆放係屋企，放到唔記得用。

最近，因受「暗瘡印」問題困擾，又記得呢個咁好用的「面膜粉」，就係屋企搵到一大堆「面膜粉」出來，3包「純美」面膜粉，想信已經過期了吧…！8包「Beauty Synergy 」面膜粉，是舊年「卓悅」買的，好似是HK$6/包，HK$15/3包，還未過期吧…?！

面膜粉的用法
面膜粉的用法很簡單，跟足包裝袋底部的指示就OK，我通常是2包份量，作3次用，一星期做2-3次MASK，好快D暗瘡印就會消失。

用法:
1．將2/3包的「面膜粉」放在碗上。

2．然後，加2湯匙的冷水攪拌。

3．如水不夠再加少許水繼續攪拌，攪到成糊狀(Creamy)，不可太烯，也不可太結。

4．將面膜糊均暈地擦在面上，眼及嘴留空。
5．15分鐘後面膜糊已經已經乾成面膜可以除下。

6．用毛巾濕水，將邊位那些未能清除的面膜洗去。

我的「面膜粉」俾我用完後，再去「卓悅」竟然什麼「面膜粉」都買唔不到，可能它的經濟效益太底了，連「卓悅」都唔賣了吧…！

我在SASA見到一種「草本精華」的面膜泥，是去粉刺及去斑用的，HK$6/包，我買左6包，還未用過，唔知WORK唔WORK…遲D先知！