焦糖脆脆開心果蛋糕

俾我燒壞左嘅「焗爐」，前幾日俾我維修好左 (只是更換了個13A嘅fuse)，捻住試焗個「蛋糕」玩吓，點知屋企人強烈反對，他哋唔想新年其間全屋沒電用。今日，我嚫D人唔係屋企，懷着戰戰兢兢的心，快快脆脆地試焗左個「蛋糕」，效果出其成功，可以送給姨㽒女明天生日。

原本，捻住做個簡簡單單嘅「焦糖脆脆蛋糕」，但是，又捻淨係忌廉夾心有少許單調，屋企有D過年用剩的果仁，就拿「開心果」來做餡，希望好食。

海棉蛋糕
8吋海棉蛋糕1個，請看海棉蛋糕做法。
但是，我今次改用「戚風蛋糕模」即中間有孔果種。

蛋糕Frosting材料：
鮮忌廉：250g
糖粉：50-60g 

糖水材料：

砂糖: 10g

滾水: 60g
砂糖倒入滾水裹，用匙更攬匀至完全溶解，侍冷，備用。

開心果碎忌廉：
開心果 :100g
將「開心果」脫殼，大約剩餘45g，然後將開心果肉壓碎，備用。

已經打起忌廉：60g
開心果碎：45g
將開心果碎+忌廉，用打蛋器打均勻，備用。

焦糖脆脆：
請参看此看「焦糖脆脆」做法。

前置作業:
1. 先將「焦糖脆脆」，打碎，備用。

2. 將鮮忌廉由雪櫃𨍭入𣲙格，雪5分鐘，備用。

做法：
1. 從冰格拿出鮮忌廉，加入白砂糖用電動打蛋器高速打3-4分鐘，打至忌廉成淺奶白色，有9-10成結的感覺 (即是將盆倒轉也不倒瀉)，然後放回雪櫃，備用。

2. 將剛剛焗好，而又放涼後的海棉蛋糕，切成3層，備用。（也可以去吉之島買D現成的海棉蛋糕來用）
3. 用膠掃將「糖水」，均勻地掃在海棉蛋糕各層的表面上，使其吸收及保存濕潤。

4. 將海棉蛋糕底層放在最底部做基，然後在其上面擦/唧上一層開心果＋鮮忌廉醬。

5. 在上面放上第二層海棉蛋糕，再在第二層海棉蛋糕上揸一層忌廉。

6.  然後，再在忌廉上隨便放置「焦糖脆脆」碎塊。

7. 再在上鋪一層的忌廉。

8. 再在上面放上第3層海棉蛋糕，這樣就已經砌好一個蛋糕。

9. 然後，在蛋糕表面揸上一層鮮忌廉，使其表面平滑。

10.在蛋糕面層上隨便放置「焦糖脆脆」碎塊，做裝飾。

11. 由於，本人揸忌廉的水準不太好，避免俾人睇到瑕疵，我在蛋糕周邊加上一層早餐食的「脆脆片」。(optional)

12. 完成蛋糕之後，放入蛋糕糕盒，再放入雪櫃。




你可能有興趣:
焦糖脆脆