中秋月餅

一年一度的中秋節剛過，想信人人都有吃月餅吧！香港的月餅真是做得很出色，無論是傅統的雙黃白蓮蓉或新式的冰皮月餅，都很好食。

小時候家住北角，我們是食奇華月餅因為近屋企。月餅新鮮做出來好吃。奇華月餅是什麼味道已經記不起了，太久了沒有吃了。

後來媽媽做榮華月餅會，每年至少有12盒榮華月餅可以用來送禮，用剩的月餅就給我們幾姊弟吃。從此愛上榮華月餅，特別是雙黃白蓮容更是我的至愛。

但是，二家姐最鐘意吃元朗恆香月餅，其實恆香月餅與榮華差唔多，但我們總為誰家月餅好食D而吵架。想起小時候的一切真令人回味！


後來媽媽只買美心月餅因為分店多。美心剛剛出雙黃白蓮容月餅那幾年真係好難食，後來它D水準已經同榮華恆香差唔多，依家D水準還保持得幾好。

至於其他洒樓或酒店的月餅並未能與這幾間連鎖店比，但價錢貴很多。我吃過某大酒店月餅，只是好普通貨仔竟然五六百元。

至於，冰皮月餅簡直是香港月餅市場的藍海戰術的成功。自從大班出冰皮月餅後，我們年年都有買又有吃。好好味，但今年的甜左D，希望來年改善。

至於，美心冰皮月餅今年做得好好味，沒咁甜，但是真係很迷你。

另外，我舊年食過聖安娜冰皮月餅，唔好食，那種甜味甜得好怪，好似是用代糖做般接受唔到。

很多人嫌月餅太甜太膩。其實，月餅真是很好吃，特別是香港制造的月餅，它很能將傳統美食超水準的表現出來。

好食的傳統月餅切出來的時候，那蓮蓉是通透發亮的，而中間的蛋黃更是閃閃發光的，不油不膩。我特別喜歡將月餅放在微波爐釘，翻釘後的白蓮蓉晶瑩通透，蛋黃金黃多油，超好吃！！