舊同事聚會 (又一城)

昨晚舊同事聚會，我們約7：30分在又一城既「 Greyhound Cafe」食晚飯，但我竟然以為是尖沙咀「海港城」既 Greyhound Cafe，所以就遲左出門兼遲到！☆

新年display
從九龍地鐵一路行上去，發覺「又ㄧ城」商場已經做了很多新年display，由地下的Taste超市，到商場的平台都有很多新年佈置。Taste超市既Display雖然細D，但多幾吸引。

但是「又ㄧ城」商場的Display 就「行」左D，如果我沒有記錯，呢果Display同舊年的Display幾乎一模一樣，甚至可能D「桃花樹」細棵左D…？！

行到Issue門口，見到大排長龍以為Issue做什麼promote潻？心想吃完飯落來行吓。原來係Apple Store做特價…！！！咁誇張？

Greyhound Cafe

行到L2的Greyhound Cafe門口 又見大排長龍，乜又一城咁旺架？好在D舊同事已經到，直入就有位。

今晚在又一城的Greyhound Cafe食晚飯。一切由O小姐安排，這店在泰國幾出名，是主打喺賣fusion融合菜(即新派泰國菜)，以「泰、意」菜為主題，除泰國菜以外，亦有唔少融和泰、意兩地嘅菜式。無論是在泰國或在香港，我一次都未來過這間餐廳食過，因為本人偏好傳統的泰國菜，或傳統的意大利菜。

因為遲到，我去到他們已點了菜，我就將我們所點的菜影下及逐一講紹下。

Drink 飲品

Iced Lemon Tea 冰凍檸檬茶
每人都叫了一杯，聽講是這間餐廳的招牌飲品。它是用凍左既檸檬茶冰再加檸檬茶冲既，目的是使顧客喝到尾也能保持那份茶味及甜度。

杯檸檬茶好濃，但唔覺得係檸檬味濃(茶餐廳D檸檬茶檸檬味更濃)，只是D紅茶及糖份濃，可能它是用椰糖，再加上它的沖法保留了它的濃度及甜度。杯檸檬茶幾好飲，但本人喜歡檸檬味濃D，糖味少D既檸檬茶，所以不覺得是所講非飲不可，或者在夏天飲可能會更好飲吧…？！

Appetizers頭盆
叫左2碟「招牌脆炸單骨雞翼」，2碟「薄切三文魚配泰式辣汁 」，1碟「脆角仔」，後來再加1碟「新鮮越南春卷 」及1碟「特色家鄉羊肉串 」。

Fried Chicken Wings( 脆炸單骨雞翼)
我們叫左2碟「脆炸單骨雞翼」，餐檯一邊一碟。可能這碟放在我前面，我吃左很多塊，但不是因為好食，而是因為肚餓及放的位置。

聽講「脆炸單骨雞翼」是這間餐廳的招牌菜，經特別香料秘製，將雞翼一分二去炸至於香脆。這樣做法方的確方便進食，不經不覺地一隻接着一隻食。但正正是將雞翼一分二，經過猛火一炸，雞翼內的水份完全被抽乾，雞翼失去了應有的嫩滑，D雞翼變成乾硬的雞塊，就算所用的香料有幾秘製，都好難給好評！！

Salmon Carpaccio in Spicy Hot Sauce (薄切三文魚配泰式辣汁)
這碟的做法或者食法O小姐之前對我講過幾次，就是用切片的Somked Salmon加平時在泰國吃大頭蝦所用的泰式辣海鮮汁，或者時食生蝦刺生用的汁，唔錯幾有創意幾好食。不果如果有「生蝦刺生」俾我選擇，我會選「生蝦刺生」…！！

「脆角仔」
我查過它的網上MENU都沒這碟菜式，問O小姐又話唔記得，好彩有影相為証，否則以為自己夢遊。它既樣似我吔平時食開的咖喱角，但老完全沒有咖喱味，但又食唔出入面是什麼，如果可以食多塊就會知是什麼，不過它不是特別好食，否則我一定記得是什麼。

Fresh Vietnamese Spring Rolls 新鮮越南春卷
這款菜是由一碟「春卷」，配一碟生菜及一小碟有薑絲醬汁組成的。一睇碟春卷就知淡白無味，興趣不大，但將一塊春卷點上D醬汁一齊吃，味道出奇好味…！它味道酸酸甜甜，煙煙韌韌好好食，想再夾一執試真D，已經清碟了。據講「春卷」是用米紙包着蝦、豬皮、雞肉和菜，唔怪特咬落去口感咁特別。

Waterfall Grilled Lamb 特色家鄉羊肉串
因為顧着食唔記影呢碟菜，但查過最接近應該是叫「特色家鄉羊肉串」，不過圖片是羊肉串及青瓜串，配上香料及醬汁。但是我們所叫的是羊肉片及青瓜片，再配上香料及醬汁。呢碟菜唔差，但是羊肉片太細塊，一口已經沒了，D青瓜片子太青了，唔係咁好，如果換泰式木瓜沙律所用的木瓜會更好味。

+照片來自網上

Main Dish 主菜
叫左1碟「白汁蛤內意粉」，1碟「泰式銀魚柳意大利麵 」，1碟「Yum Japanese Seaweed With Glass Noodle」，後加1碟「香草辣椒炒雞肉碎配白飯 」

Spaghetti with Italian Pork Sausage意式腸意大利粉
只是普通的蕃茄肉醬腸仔意粉，應該沒有泰式的東東在入裏面吧？D意粉好入味，好濃郁，而且意粉煮得好有彈性，一食都知有水準，幾好食。

spaghetti vongole白汁蜆肉意粉
同樣是意粉，但是這款「白汁蜆肉意粉」不單止是買相普通過普通，而且煮得好差，D意粉唔熟，我以為食杖筋，D白汁太希，我只吃完兩條都唔想再吃，任何一間餐廳的白汁蜆肉意粉都應該比它好味…？

Yum Japanese Seaweed With Glass Noodle
日本海藻／紫菜，熟到透明的玻璃粉（如韓式的薯粉條），再配上熟蝦、碎豬肉、乾蔥和西芹，再加上青BB的泰式辣汁，吃的時候都幾辣，滑潵潵，有D核突。

Minced Chicken with Sweet Basil and Hote Chilies 香草辣椒炒雞肉碎配白飯
這款把雞肉碎跟香草和辣椒去一起炒，配上香軟的泰國靚米飯，及一隻半生熟的煎蛋。先將半熟煎蛋與雞肉碎在飯中混和，然後才吃，味道好好…！！

甜品
最後甜品，我們叫了3個 Chocolate Lover，2個mango sticky rice with Parfait，1個Blueberry Cheese cake，1個Choc Banana with Fresh Cream及 一個朱古力香蕉蛋糕。

鮮芒果糯米芭菲（Sticky Rice + Mango Parfait）
因為我只是食了mango sticky rice with Parfait，所以只可講這甜品。它是以水杯裝的甜品，一共4層，由上而下分別有椰子雪芭，芒果粒，椰奶及糯米。

椰子雪葩sorbet雖沒有「瞿道瞿週末市場」的椰子雪葩好味，但它加入一粒粒的椰子肉，好有口感，味道清淡，好好吃。D芒果粒，一食就知係清甜爽脆的泰國芒果，而不是用「呂宋芒」，我鐘意。但是那些sticky rice卻是這個甜品的大敗筆，D糯米真係黏得太軟太爛，完全沒有彈牙的感覺，相信泰國街邊最差的芒果糯米飯多比它強。突然間好掛念泰國，想飛去食真真正正的「Mango Sticky Rice 」。

得閒試下新既餐廳真係唔錯，可以擴寬自己眼界。不過今餐吃左HK$1844，8個人，一個人大約HK$230。以這間餐廳既水準來講有D貴。樓下Amaroni's Little Italy  的意大利菜可能更抵食。