外賣壽司

我好喜歡吃「和食」（日本食物），特別是「壽司」，因為貪它簡單又不油膩。好幸運，我們生活的香港到處都有「迴轉壽司店」，而且價錢平，水準都幾好。我記得有次出TRIP去「德國」，在「德國」食「壽司」真係好貴架。我有時間就會去「壽司店」食壽司，沒時間而又好想食，就會買「外賣壽司」。

但是「外賣壽司」間間水準不同，我對外賣壽司的要求是很簡單，就是新鮮及好食。

如何去判斷壽司是否新鮮呢？
就是即叫即做的壽司就新鮮既壽司。如果那間「外賣壽司」店的壽司是批回來的，就不是即叫即做，D壽司放太耐就唔新鮮。另外，壽司所用的食材新唔新鮮也是決定「壽司」好唔好食的關鍵。


如何去判斷壽司是否好食呢？
米是構成「壽司」最基本的食料，所以米的選材很重要。最基本判斷「壽司」是否好食就是取決於「壽司」所用的米是否用日本珍珠米。我吃過某些連所超級市場的「外賣壽司」，真係好難吃…架！！因為它唔知用左乜米去做，D飯黏在一起，又軟又爛。

好食既「壽司米」一定是黏得來又各自獨立，軟得來又有彈性，不可以硬，又唔可以太軟及太爛。

「壽司醋」的份量及質地也很緊要，太多醋就會酸，太少醋D飯唔黏，唔好睇一塊細細塊的壽司，其中米及醋的應用已佔了好重要的一環。

日本超級巿場買壽司
為避免買中「地雷」，我如果「賣外賣壽司一定是去「吉之島超級巿場」買，因為它平靚正，而且都是在「吉之島」裏面即做的。

迴轉壽司店買壽司
但如果唔介意加少許錢，可以去「迴轉壽司店」買「外賣壽司」。今天，行商場見到「元氣壽司」 ，突然間好想食，就叫左D「外賣壽司」返家吃。今次叫左三文魚壽司，花之戀人，軟殼蟹手卷，蟹棒壽司，玉子壽司，炸蝦卷及辣味三文魚軍艦，粟米沙律軍艦。

三文魚壽司：正常水準。

花之戀人：用3塊三文魚捲成的花之戀人，上面D沙律醬太多，有少許反胃。

軟殼蟹手卷：是我最喜歡食的壽司，本身這個combination已經是好好味，只要沙律不要太多，炸軟蟹的油吸乾D，這個壽司都會好好食，今次保留水準，幾好食。

蟹棒壽司：兩隻蟹棒放在一塊壽司上，蟹棒質地好決定個壽司好唔好味，今次D蟹棒還是涼涼地，解凍未徹底嗎? 覺得「板前」既蟹棒壽司好食D。

玉子壽司：大大塊玉子放在壽司上，幾好食。

炸蝦卷：薄薄一層飯反捲左剛剛炸出來的「蝦天婦羅」，食時D「炸蝦天婦羅」還是脆脆的，幾新鮮。

辣味三文魚軍艦：今次水準正常，幾好食。

粟米沙律軍艦：今次既粟米沙律軍艦「出奇的超水準」，粟米粒及沙律醬配合得剛剛好，好新鮮，好好食，並不是次次都可以食到咁好食的粟米沙律軍艦架…！！俾個「讚」它。