醃制好味的蕃石榴

去台灣旅行，在夜市裡可以買到些用「梅粉」醃制的「芭樂」(蕃石榴)食，那些「芭樂」塊甜甜地又咸咸地，而且好爽脆，好好味。一直都有興趣自己做來吃，上網搵過如何醃制「芭樂」的資料，但是香港好少見到咁大個的蕃石榴賣（可能季節問題？）好快這興趣就淡忘了。

今天，去「佳寶食品」買紅豆及黃蔗糖準備做「草梅大福」，點知俾我見到十元有4個「蕃石榴」／芭樂，十分抵買，於是買了十元返屋企。

再加上新年執拾雪櫃時，見到屋企還有一大樽台灣買回來，又就來過期的「梅粉」，決定回家做醃制蕃石榴。

醃制蕃石榴材料：
蕃石榴 - 4個
梅粉 - 3-4湯匙

醃制蕃石榴方法：
1. 先將買回家嘅4個蕃石榴洗乾淨。

2. 然後將蕃石榴切開兩邊，再用匙羹挖走中間的籽，再將每塊切成6-7塊小片。

3. 將切好的蕃石榴小塊用「冷開水」洗乾淨及用吸水紙抹乾，再將梅粉平均抹在蕃石榴片上。

4. 再將梅粉平均抹在蕃石榴片上。

4. 用保鮮纸封面，用放入雪櫃一晚，第二天拿出來用「冷開水」洗掉「梅粉」就有美味的醃蕃石榴。(如果，你沒有似我咁落了太多「梅粉」，又或者你鍾意很多「梅粉」可以不用洗掉。

由於媽媽及大家姐偷食，第二天拿出來剩下很少，可以證明這醃法十分成功。

你可能有興趣的食譜:
1. 梅粉
2. 醃制青木瓜