年廿七去花墟買年花

我以前好鐘意去「花墟」買花來插，貪它有很多不同種類的花，而且價錢唔貴。但自從患有鼻敏感後就比較少踏足「花墟」了，只有每年的農歷新年前才會去「花墟」買年花。

今日年廿七約了O小姐去「花墟」年花，因為這裡有很多鮮花批發販，出售世界各地的鮮花，售賣的花卉種類及數量都比年花市場多，而價錢比較平。

去「花墟」是搭地鐵在太子站下車，B出口出。

在旺角警署果邊，沿太子道西直行，過2-3個馬路。

見到「繽紛」到，花墟橫跨幾條街，可以在此附近慢慢逛。但今日太多人，比較難慢慢逛。

先首，我們去「繽紛」睇下有沒有靚D嘅花樽，因為覺得屋企的花樽唔靚想換，但最後都沒有合心水的，只好用回舊花樽。

之後，開始逛「花墟」。好多人，好逼人。在這麼逼的情況下，我影了很多漂亮的花相。好靚架！

見到D蘭花真係好平，有D八十元支，一百八十元3支。

我買年花只是隨便見價錢OK就買，並沒有特定買什麼花，或有任何插花構圖在先，但是因為新年用，所以一定買紅色或粉紅色。買了一大堆花四點幾已經離開「花墟」。

玫瑰20支--HK$130
香水百合5支--HK$150
紫藍色襯托花仔2支--HK$35
紅燈籠仔2支--HK$88
4支不知名花支--HK$50
價錢真係好平，如果維園買一定唔係咁嘅價錢。

返家插花，隨便插了兩瓶花。