吉列豬堡及玉子吉列豬堡

剛剛走左嘅「將軍漢堡」，我總共吃左3次，吃到怕怕，所以沒有送別它。但是，我D姨㽒仔及姨㽒女，姪仔及姪女，都有去「麥記」作最後冲刺，他哋都話「將軍漢堡」係「麥記」最好食嘅包，話會好掛住它。

我已經接近二十日沒踏入麥記了，但是最近成日食「拉麵」同「魚蛋粉」，食到唔知食什麼好，唯有今日再踏入「麥記」，睇吓有乜新嘢。今期「麥記」推出「愛之限定吉列豬堡及玉子吉列豬堡」，同上次「將軍漢堡」廣告所用字眼有D相似，唔知他們想點…？見到「將軍漢堡」廣告時還覺得幾好，但見到呢個就覺得抄襲及沒創意。

例牌講下呢個套餐，呢個餐又以「愛之限定」為廣告題目，但是「將軍漢堡」改為「吉列豬堡」，照樣有「吉列豬堡」及「玉子吉列豬堡」兩款，即是有蛋沒蛋的分別。吉列豬堡 (套餐$28.0，單售$16.0)，玉子吉列豬堡 (套餐$29.5，單售$17.5)，加大套餐(加$3.5)更有「BBQ 蜜糖調味粉」配搭「Shake Shake薯條」！

另外，再有「新地」配丸子推出「黑芝麻丸子新地」，仲有Double size揀。最後有「BBQ蜜糖調味粉」Shake Shake薯條及「凍新鮮檸檬茶」。在2013年9月30日開始供應。

今次，我選擇嘅是「玉子吉列豬堡」，因為我鍾意「包」內加「蛋」嘅口感，食落層次比較豐富及濕潤。同「玉子將軍漢堡」一樣，「玉子吉列豬豬堡」所用材料都係「豬」，前者係用「豬柳漢堡扒」，後者是用「豬扒」。「吉列豬堡」用「椰菜絲」配於「芝麻醬」，而唔係「西生菜絲」+日式照燒醬。除了材料不同，煮食方法也不同，前者是「煎」，後者是「炸」。

雖然我唔係好鍾意「炸」嘅食物，但是一開始覺得幾好食，D「芝麻醬」及「椰菜絲」與塊「吉列豬扒」豬扒配搭得相當好，豬扒用「麵包糠」包住去「炸」，感覺D肉汁被「鎖住」，好香好Juicy。

食到後一半開始覺得「乾淨淨」，變得唔好食。立即打開家姐果個未食個包睇吓，呢個包D醬汁及椰菜絲唔多，只放在最上一層，如果好似我係食左多醬汁果邊先，開頭覺好食，後尾就唔覺得。所以我覺得，一就是「炸」豬扒時間短D以「鎖住」D肉汁，一就是D「芝麻醬」應放多少許，及要平均分佈才會好食，否則就會太乾。