豆沙角 - How to make Deep Fried Red Bean Dumplings

豆沙角是洒樓常見點心，同咸水角一樣很受歡迎。但係，近年越來越少見。到農曆新年，豆沙角也成為新年食品的一種。本來想新年前拍條片出嚟，但係因為拖住來拍，所以過咗年才post出嚟。此食譜豆沙角的皮是參照咸水角皮去做啲。此皮不易變軟，外脆內軟，再加上軟滑豆沙餡，不輸洒樓。

合桃酥- How to make Walnut Cookies

農曆新年就到，想做一些簡單又方便的應節食品，所以今次選擇了零失敗的合桃酥來做。

去和民居食屋慶祝家姐生日

今天是家姐生日，晚餐決定出去外面吃飯，但是因為太晚收工不知去那裏吃晚飯，最後，選擇了又平又實惠的太古城康山商場的「和民居食屋」吃飯。

大家樂熱狗茶餐

如果要講香港果幾間大形連鎖快餐的下午茶餐，我比較鐘意嘅是「大家樂」及「美心」。

其中，大家樂的下午茶餐「青瓜蕃茄田園沙律熱狗茶餐」更是我最近經常買來吃的。我喜歡點熱狗十雞翼十一杯熱飲，套餐價HK$26，但是，最近，靜靜雞加左HK$1。如果，唔夠飽可以加HK$6就多一碗細雪菜肉絲米。

美心法式撻系列

今天，下午茶時間去「美心西餅」買左3件美心法式撻來食。此系列的撻，我舊年已經我吃過幾次，但是沒有記上心，只知它抵食大件，今天，再食，就寫下。

年初四 - 沙嗲王晚餐

年初四，爸爸媽媽去左飲，我同家姐收工後決定去「銅鑼灣」揾食，但是因為是臨時決定所以沒有定位，又唔知有沒有位，所以決定去便宜又易搵位的「沙嗲王」試一試。貪位於銅鑼灣廣場第一期的「沙嗲王」地方大，而且搵位快。

吉列豬堡及玉子吉列豬堡

剛剛走左嘅「將軍漢堡」，我總共吃左3次，吃到怕怕，所以沒有送別它。但是，我D姨㽒仔及姨㽒女，姪仔及姪女，都有去「麥記」作最後冲刺，他哋都話「將軍漢堡」係「麥記」最好食嘅包，話會好掛住它。

我已經接近二十日沒踏入麥記了，但是最近成日食「拉麵」同「魚蛋粉」，食到唔知食什麼好，唯有今日再踏入「麥記」，睇吓有乜新嘢。今期「麥記」推出「愛之限定吉列豬堡及玉子吉列豬堡」，同上次「將軍漢堡」廣告所用字眼有D相似，唔知他們想點…？見到「將軍漢堡」廣告時還覺得幾好，但見到呢個就覺得抄襲及沒創意。

將軍漢堡2013

今年麥記的將軍漢堡已經重臨香港了！
由9月5日起，一連四星期「限定」推出…！！！
是…！是…「限定」…！年年都是「限定」架…！唔係真係會吃到反胃架…！！。

今年麥記更是以「愛之限定」為廣告題目，照樣有「將軍漢堡」及「玉子將軍漢堡」兩款，即是有蛋沒蛋的分別。將軍漢堡 (套餐$28.0，單售$16.0)，玉子將軍漢堡 (套餐$29.5，單售$17.5)，好似貴左…？？加大套餐(加$3.5)更有「和風紫菜調味粉」配搭「Shake Shake薯條」！

韓式燒烤自助晚餐

昨晚，我和家姐去左吃韓燒。我們是臨時決定去吃，所以選擇了比較方便家姐的「高麗韓國餐廳」，即北角和富道20-36號明暉大廈1樓果間分店。

「高麗韓國餐廳」是一間任食韓燒自助餐嘅餐廳，晚餐時段，每人HK$157， 加10%服務費，即HK$173/每人。限時個半小時任食。

18件麥樂雞餐

唔知麥記幾時開始有18件「麥樂雞」賣，我係見到you tube有人將D「麥樂雞」倒晒出來堆成山咁，先知麥記有提供此餐。

舊同事聚會 (又一城)

昨晚舊同事聚會，我們約7：30分在又一城既「 Greyhound Cafe」食晚飯，但我竟然以為是尖沙咀「海港城」既 Greyhound Cafe，所以就遲左出門兼遲到！☆

新年display
從九龍地鐵一路行上去，發覺「又ㄧ城」商場已經做了很多新年display，由地下的Taste超市，到商場的平台都有很多新年佈置。Taste超市既Display雖然細D，但多幾吸引。

外賣壽司

我好喜歡吃「和食」（日本食物），特別是「壽司」，因為貪它簡單又不油膩。好幸運，我們生活的香港到處都有「迴轉壽司店」，而且價錢平，水準都幾好。我記得有次出TRIP去「德國」，在「德國」食「壽司」真係好貴架。我有時間就會去「壽司店」食壽司，沒時間而又好想食，就會買「外賣壽司」。

但是「外賣壽司」間間水準不同，我對外賣壽司的要求是很簡單，就是新鮮及好食。

如何去判斷壽司是否新鮮呢？
就是即叫即做的壽司就新鮮既壽司。如果那間「外賣壽司」店的壽司是批回來的，就不是即叫即做，D壽司放太耐就唔新鮮。另外，壽司所用的食材新唔新鮮也是決定「壽司」好唔好食的關鍵。

Choux Cream 忌廉泡芙

ChouxCream/Puff Pastry是一種忌廉的泡芙，想信好多人都食過忌廉泡芙，有些麵包舖或西餅店都有得買來食，但是每間店的泡芙都有唔同做法，有D泡芙做得好食，有D做得唔好食，最拿命是裡面夾的忌廉超多超甜，食完會反胃。

不知名的老式餅店 - 沙翁

沙翁是小時侯麵包店隨時可以買到的麵包/甜點小食，但隨着新式麵包店的興起，老式麵包店的沒落，已經差不多搵唔到沙翁的踪影。

沙翁有D似冬甩，但出面多了一層沙糖。沙翁的由來可以自己去google下，但是可以肯定是香港70/80年代的一種普通包點。

沙翁食材簡單，只有麵粉、牛油及雞蛋。做法也似是簡單，但卻十分講求心機。

沙翁的做法(從網上搵到的): 
1. 將煮滾的水，加入牛油煮至完全溶化，
2. 再加入麵粉煮成熟粉糰，
3. 然後放進攪拌機加入雞蛋拌勻就可以製成麵糰待炸。
但要留意--
a). 水、牛油、麵粉的分量一定要依足比例，
b). 雞蛋也要下得重手，否則蛋香不足夠就成敗筆之作。
c). 水滾後加入牛油煮至完全溶化才可以下麵粉，不然麵粉容易起粒，影響麵糰的幼細度。

香港美食--魚肉燒賣

魚肉燒賣是香港的一種常見的街邊小食，樣貌有少許似我們平時上酒樓茶所吃的燒賣外，但裹面的材料很不同。

想信它應該是由酒樓的燒賣修改及演變而來的，但材料改得更便宜吧！

酒樓的燒賣是由肥豬肉，瘦豬肉加蝦肉起膠做成，但魚肉燒買的材料是沒有豬肉及蝦肉只是用下價魚肉加少量的粉造成。魚肉燒賣好唔好食，魚肉的比例很重要。我讀書時候，放學很喜歡買1串魚蛋及1串燒賣食。

中秋月餅

一年一度的中秋節剛過，想信人人都有吃月餅吧！香港的月餅真是做得很出色，無論是傅統的雙黃白蓮蓉或新式的冰皮月餅，都很好食。

小時候家住北角，我們是食奇華月餅因為近屋企。月餅新鮮做出來好吃。奇華月餅是什麼味道已經記不起了，太久了沒有吃了。

後來媽媽做榮華月餅會，每年至少有12盒榮華月餅可以用來送禮，用剩的月餅就給我們幾姊弟吃。從此愛上榮華月餅，特別是雙黃白蓮容更是我的至愛。

但是，二家姐最鐘意吃元朗恆香月餅，其實恆香月餅與榮華差唔多，但我們總為誰家月餅好食D而吵架。想起小時候的一切真令人回味！

北角雞蛋仔

<雞蛋仔>係時常食的街邊小吃。
但是，要搵好食的雞蛋仔真係好難架!!
唔係烤到硬晒同燶晒....就係軟煵煵唔好食!!!
只有北角琴行街的雞蛋仔檔做出來的雞蛋仔軟硬適中，是最好食的。

每次經過琴行街的「北角雞蛋仔」，都會見到排隊的人龍，想買來吃的沖動都會因人龍而打消。

下午去搭巴士去北角馬寶道的<中旅社>買來回機鐵 (因為有75折)，經HKU SPACE的門口，原本要過馬路的我，見到轉角的琴行街雞蛋仔檔只得2-3個人正在排隊，見沒有太多人，身一轉就順便去買底雞蛋仔食。

我排了一陣間已輪到我了，這時候我才驚見它的價錢是一底HK$15!
記得以前先賣HK$13 一底，咁快加價架???
算拉!!都唔知幾時再來食，就來兩底著數D，我叫了雞蛋仔和格仔餅各一底K$28。

北京填鴨

成日有外地的朋友問我香港有什麼美食？其實，香港有很多美食，睇你識唔識食。

今晚，剛剛與4位舊同學仔去了中環歷山大廈地下的北京樓吃晚飯及吹水。而去北京樓食飯唔少得就係叫北京填鴨，這間北京樓的北京填鴨水準唔差，可以講講。

他的鴨片切得厚薄適中，除了被燒至金黃的脆皮之外幾乎見不到油脂。但鴨肉卻仍然嫰滑多汁，吃的時候完全感覺不到乾及鞋。

整體來講，香港吃到的北京填鴨的水準都幾平均，好像經常去吃的尖沙咀漢京樓或佐敦的北京酒樓都幾OK。反而，幾年前去北京出差，朋友招呼我到一間當地好出名的北京填鴨食北京填鴨，我覺得唔好食，鴨肉感覺太乾及太老了，可能南方人與北方人的口味不同吧！