Bella's Blog: 8月 2020

2020年8月24日星期一

五仁月餅分為甜的及咸的兩種，我喜歡做甜的，因為做咸的總覺得有點怪，加上屋企沒有金華火腿，所以就算要做咸的也材料不足。今次做的五仁月餅同以前做的食譜差唔多，只係略為改一改，拍成短片。出嚟效果十分好食，月餅未回油，已經食咗一半。

幾年前已經很興用棉花糖做的自制牛軋糖(烏結糖)及雪花酥(雪Q餅)，做法比傳統烏結糖方法簡單很多。我每年的農曆新年都會做這兩種甜食，放在年盒裏俾屋企人食，屋企人都很喜歡，又唔使特登去「皇后餅店」買。

雪Q餅的做法與牛軋糖是一模一樣，只是加多左脆餅一項。突然間好想食雪Q餅，而屋企剛剛又有所要用材料，所以唔使等到新年才做，就做咗芒果味雪Q餅，出嚟效果十分好。

阿媽去樓下麵包舖買咗一袋老婆餅返屋企食，屋企人話比我做的難食很多，又唔夠料，要求我盡快做一些來食。見有時間，就將之前的老婆餅食譜拿出來，略為改一改份量，將它拍成短片存底。

買咗個6連的兔仔硅膠模具，原本想做白色的兔仔奶凍/布甸，但是發覺白色兔仔太普通了，所以就大膽改了朱古力色，出嚟效果不是太好看，但是口感卻很軟滑細緻，啖啖朱古力，停唔到口，值得試一試。

乳酪蛋糕/酸奶蛋糕，其實就是在做蛋糕的材料中，將液體部份改用乳酪，乳酪口感比牛奶軟滑，而且比芝士清甜，沒有芝士那般濃膩，不知不覺可以將半個蛋糕食完。