今天是行程的最後一天，由於是坐下午14:50班機，要搭車去機場又要辦理由check-in及check-out等手續，只剩2個幾小時。
「手信」最後沖刺
酒店吃完早餐後，第一件事是買「手信」最後沖刺。家姐最擔心是「手信」買唔夠，在酒店接待處見到D香港人一箱箱的「江記華隆商行」的「猪肉纸」就係咁怪我唔帶他們去買。其實，係我唔識路，又唔想搭的士去，再加上D時間唔夠，我們最遲11:30要check-out，而且她昨天已經係「黑橋牌」同「老天碌」掃唔少了。只有叫她再去對面「西門町」掃多次。
台灣制造護膚品
家姐一家趕去「西門町」再買手信，我就同阿媽去左酒店對面果間「美華泰流行生活館」買左好多台灣制造的護膚品，特別係D面幕， 什麼「我的美麗日記」面幕NT189(即HK$48)一盒，「心心花漾」面幕NT69(即HK$18)一盒，森田藥廠EGF面幕NT258(即HK$66)一盒等等，真係平到你唔信。.
我們係十一點返酒店執行李，在11:20check-out。我們check-out時酒店送了一對印有酒店LOGO的COFFEE柸俾我家姐及姐夫，為4/8晚所發生的爆水管事件道歉。
從酒店去機場有兩種巴士可以搭，一種是分開兩架的士，搭去「台北車站」，再轉搭「國光客運」去機場。一種是搵酒店幚聯絡「灰狗巴士」，要它們來酒店門口接我哋。由於我哋行李超多，又老又少，唔想搬來搬去就搵酒店幚我哋聯絡「灰狗巴士」來門口接我哋。
過左十一點半先有架普通巴士來接走我們去唔知那裡既「巴士站」換大巴去機場，架巴士等左好耐先夠人開車。一路數注時間一路驚，唔知會唔會遲到呢?? 架巴士到機埸後還要去其他航站才到我們要去的航站，一點幾了才到。
呢個方法極唔work...下次搭的士去「台北車站」轉搭「國光客運」去機場，時間可預算到。
唔夠錢
好彩唔多人，匆匆Check-in入閘，還有接近1小時可以逛機場。我哋第一件事是搵食，因為已經一點幾了老老少少都餓暈了。我們搵到一檔吃湯麵既，一人只可以食一碗湯麵，因為頭先係「西門町」時沒想到要剩D台幣食LUNCH，將所有台幣用盡。
好彩頭先係酒店隔離間7-11買左一大包「肉鬆飯團」可以食(想買返香港送給大家姐試台灣口味的「飯團」)，他哋才不至於半飽。
肉鬆飯團
肉鬆飯團成份主要有壽司米，肉鬆、芝麻同其他調味料。每一塊飯團裡面夾有好多的混了調味料的肉鬆，吃起來味道甜甜鹹鹹，好好食，而且價錢平NT21。
食完LUNCH後大家才有氣力係機場影張到此一遊相。
這樣結束台灣八天暑假遊。
雖然，沒有跟圑咁舒服，但是家姐一家都真心講一句行程ok.
沒有留言:
張貼留言