北京填鴨

成日有外地的朋友問我香港有什麼美食？其實，香港有很多美食，睇你識唔識食。

今晚，剛剛與4位舊同學仔去了中環歷山大廈地下的北京樓吃晚飯及吹水。而去北京樓食飯唔少得就係叫北京填鴨，這間北京樓的北京填鴨水準唔差，可以講講。

他的鴨片切得厚薄適中，除了被燒至金黃的脆皮之外幾乎見不到油脂。但鴨肉卻仍然嫰滑多汁，吃的時候完全感覺不到乾及鞋。

整體來講，香港吃到的北京填鴨的水準都幾平均，好像經常去吃的尖沙咀漢京樓或佐敦的北京酒樓都幾OK。反而，幾年前去北京出差，朋友招呼我到一間當地好出名的北京填鴨食北京填鴨，我覺得唔好食，鴨肉感覺太乾及太老了，可能南方人與北方人的口味不同吧！


北京填鴨的食法：
1.先將餅皮放在碟子上（有些洒樓的餅皮是放在蒸籠上的，比較濕潤）
2.按個人喜好放入幾條青瓜條及蒜條。
3. 再放上1-2片鴨肉片。
4. 最後，擦少許漿汁在鴨肉面。
將以上材料包捲起來食，濃郁的槳汁混上鴨肉汁及青脆的靑瓜夾雜其中，濃郁多汁得來，不覺油膩，好味得不能形容，不知不覺吃了3卷，睇來又要節食幾日了。

好味歸好味，可惜北京填鴨是不能經常吃的，否則身體上的脂肪比例會爆燈。而且，北京填鴨是要整隻鴨叫的，沒有半隻鴨訂的，故須一班人約在一起食才夠芝味。但是，香港人都咁忙，各為生活奔波，很難得才能約在一起食餐飯。

整隻燒至金黃北京填鴨被切成厚薄適中的鴨片放在兩個鴨形碟上

先將餅皮放在碟子上, 再放幾條青瓜條/蒜條及1-2片鴨肉片, 擦少許漿汁在鴨肉面

將以上材料包捲起來食, 好味得不能形容