[聖誕糕點] 意大利果仁鳥結糖- How to make Italian Nuts Nougat / Torrone

就快到聖誕節，今次做一的聖誕糕點就「意大利果仁鳥結糖」，鳥結糖是意大利傳統的聖誕節糖果，各大百貨公司都有得賣。意式鳥結糖是屬於一種軟的鳥結糖，由蜂蜜，糖和蛋白製成，再配以烘烤過的果仁，煙煙韌韌，滿載果仁香味，很甜很好食。其實做法不難，今次我用咗個零失敗這個方法，值得試吓。

閱讀更多 »

杏桃菠蘿包 - How to make Apricot Pineapple Buns

一直都好想做一款爆漿菠蘿包，但係又唔想做卡士打醬、朱古力醬或芝士醬等打入去，因為太麻煩，所以就用簡單方法，只是包入一些果醬內餡，出嚟效果沒有打漿方法好看，但係麵包仍然很鬆軟，菠蘿皮很香脆，配上酸甜的香桃醬，幾好食。

核桃沙琪馬 - How to make Walnut Sacima

好耐之前做過馬仔, 而且寫過博文，講制作方法。上次做的「古早味蓮子酥糖」，也是用類似的做法，只不過沙琪馬「馬仔」的做法更簡單，用更少的時間去做，同樣好味。

[港式麵包] 叉燒肉醬餐包 - How to make BBQ Sauce Minced Meat Buns

今次原本諗住做叉燒餐包，但係因為屋企沒有叉燒，臨時搵咗一包免治豬肉，再加多些叉燒醬，做成叉燒肉醬餐包。今次麵團是採用水合法去做，放一日仍然好鬆軟，加上叉燒醬做的肉醬，真係好好食，好似食緊叉燒餐包咁。

[傳統糕點] 椰絲花生軟糖 - How to make Shredded Coconut Peanut Soft Candy

椰絲花生軟糖，又名貓屎糖，最近好熱的傳統茂名的糖果。有朋友淘寶落嚟給我試食過，覺得唔夠煙煙韌韌，可能唔夠新鮮。最近，搵花生軟糖食譜，又發現它，決定做黎試吓，經過兩次失敗，終於做成功，煙煙韌韌，而且感覺唔係太甜，好好食。

[港式包點] 流沙奶黃包 - How to make Steamed Custard Lava Buns

流沙奶黃包是香港出名的包點，去飲茶必點之一。但是因為要做到流心效果，比較複雜，出面的點心舖並沒有得賣，一定要去洒樓即叫即蒸才有，而且必須趁熟食，凍咗之後就沒咁流心。所以今次就做咗流沙奶黃包，效果十分滿意，包子鬆軟，內餡清甜不膩，一邊拍片，不小心食咗兩個。

意大利杏仁脆餅 - How to make Almond Biscotti

有幾個星期没有拍片，有些懶，就諗住拍一些簡單的食譜。所以就拍意大利杏仁脆餅，它所須材料十分簡單，而且做法容易。

[中秋糕點] 豆沙蛋黃月餅 - How to make Red Bean Egg Yolk Moon Cakes

每年中秋節都做一大堆月餅送給親朋戚友及自用，今年仍然做豆沙蛋黃月餅，因為它最受歡迎，而且做法十分簡單。原本沒有想拍片，但是因為唔夠派送，所以再補做一些月餅，又補拍咗一些片段做記錄。

醃子薑 - How to make Pickled Young Ginger

端午節至中秋節前就係生薑出產的季節，用這時候買來生薑去醃子/生薑片是最簡單，及最美味。因為，這候的子/生薑是最幼嫩白滑，細長通透，爽脆無渣；唔須要復雜步驟去處理生薑片，也可以醃出好好味兼爽脆的子/生薑片。

[中秋糕點] 五仁酥餅 - How to make Five Nuts Pastry

因為沒有時間拍片，所以諗住拍一些簡單又快的食譜，今次就選擇做五仁酥餅，它的做法同五仁月餅差唔多，只是廣式月餅皮，改為酥餅皮。一樣都係咁美味。

[中秋糕點] 香芋麻薯蛋黃酥 - How to make Taro Mochi Egg Yolk Pastry

因為上次的紫薯豆沙麻薯蛋黃酥太好食，想再做多次差唔多的月餅，又唔重複但，所以今次改用芋泥做月餅的餡料。它的做法與上次紫薯豆沙麻薯蛋黃紅豆酥一樣，只是改咗芋泥餡料。

芋泥的做法 - How to make Taro Paste

因為上次的紅豆麻薯蛋黃酥太好食，所以今次改用芋泥做月餅的餡料。但因為之前沒有拍過一條關於芋泥餡的短片，所以先拍芋泥饀的做法。芋泥做法十分簡單，而且十分美味，一睇就明。

[中秋糕點] 奶黃及抹茶流心月餅 - How to make Custard & Matcha Lava Moon Cakes

每年都會做流心奶黃月餅，兩年前已經拍一集流心奶黃月餅做法，今次加多一種味道，抹茶流心月餅，其實做法差唔多，只是加入抹茶粉去做。效果唔錯，幾好食，但係，外型仍然就比較難控制。

[中秋糕點] 花生及黑芝麻米月餅 - How to make Peanut & Black Sesame Rice Moon Cakes

米月餅上一年很流行的一種月餅做法，它的的做法同炒米餅有些似，但是不須要用烘烤；有些似冰皮月餅，但是不須要蒸煮，沒有冰皮月餅的軟糯，但是它的月餅比較耐放，不用擔心變硬。今次做花生及黑芝麻米月餅，做好之後，放入雪櫃雪半天，再來品賞，冰涼可口的感覺。

[中秋糕點] 紫薯豆沙麻薯蛋黃酥 - How to make Purple Yam Red Bean Mochi Egg Yolk Pastry

因為中秋節就到，所以決定用手頭上有的材料，做一種既好食，又賣相比較好看的中秋節糕點，紫薯豆沙麻薯蛋黃酥就這樣做出來。它的做法與蛋黃紅豆酥差唔多，只是酥皮是用雙色的旋風紋造成。

[中秋糕點] 蛋黃白蓮蓉月餅 - How to make Egg Yolk White Lotus Mooncakes

就嚟中秋節，搵返之前的月餅食譜睇吓及試做吓先，居然俾我搵到舊年拍嘅蛋黃白蓮蓉月餅片還未剪，所以今個星期就先將蛋黃白蓮蓉月餅片段剪接及上載，重溫制作傳統月餅的細節，預備來緊的中秋糕點。

蕉糖杏仁酥餅 - How to make Caramel Almond Cookies / Florentine Butter Cookie

不須要等到節日才可以食到，香脆可口的焦糖杏仁酥/焦糖杏仁曲奇，想食就做吧！焦糖杏仁材料簡單，做法十分容易；因為屋企沒有淡忌廉，所以改用椰奶代替，一樣成功，而且有椰香味，很好食。

[港式西餅] 港式拿破崙 - How to make Hong Kong Style Napoleon

剛剛放3日連續假期，用嚟做復雜的甜點是最適合，所以決定做港式拿破崙。呢款蛋糕/切餅，小時候屋企樓下的麵包舖都有得賣，而且勁好食。

但係隨著時間遷移，再也搵唔到呢種舊餅舖。最近興懷舊蛋糕/西餅，我又趁機做我最鍾意食的拿破崙，我覺得今次做得十分成功，十分美味酥脆，而且常溫也不變。

千層酥皮 - How to make Puff pastry

千層酥皮可以用作很多不同款式的西式甜品，是做甜點的基楚。今次因為要做港式拿破侖，須要用到千層酥皮，所以特別分開兩節來拍攝及記錄千層酥皮的製作過程。

香蔥肉鬆蛋糕 - How to make Scallion Pork Floss Cake

最近工作比較忙，放假只想休息，什麼都唔想做，所以決定做一些簡單的甜點。又剛剛在雪櫃裡搵到一包肉鬆，決定做肉鬆蛋糕，材料簡單又容易做，而且十分好味。

綠寶石麻薯 / 青提子糯米糍 - How to make Green Grapes Mochi

在IG到見到台灣南機場夜市的綠寶石麻薯好靚，好似好好食嘅様，所以決定用屋企嘅剩下來的青提子來做。經過一次失敗後(因為花生粉出油一舊舊)，今次比較靚少許，當然，沒有人家做的細緻，做係味道是真係冇得頂。

[端午節美食] 古早味肉粽 - How to make Traditional Pork Rice Dumplings

端午節就快到，屋企人好熱心哋幫買齊包粽的材料。原來係想我包粽食，因為出面賣嘅粽唔平，而且唔知乾唔乾淨。諗到我未曾拍過包粽的影片，今次決定一邊包粽一邊記錄下來。但係今次不是做廣東粽，而是做家鄉古早味肉粽，因為屋企覺得古早味肉粽好食一些。

[港式甜品] 焗西米布甸 - How to make Baked Sago Custard Pudding

前幾日行行吓街聽到有人話要食焗西米布甸，突然間也想食，返到屋企即刻睇吓有冇材料，竟然，俾我搵齊所需材料，便立即開機拍片。焗西米布甸做法十分簡單，而且美味。

日式豆沙包/銅鑼燒- Dorayaki / Japanese Red Bean Pancakes

小時有睇過叮噹或多拉A夢的人都知道，叮噹最鐘意食就係豆沙包。豆沙包做法簡單，但是要做到顏色鮮艷及鬆軟好食，並不容易，特別在麵糊的調制及煎餅的過程，控制不好，很容易失敗。屋企剛剛有些豆沙餡剩，經過一次的試驗後，今次終於成功。

免焗焦糖布甸 - How to make Caramel Custard Pudding

焦糖布甸做法十分簡單，美味可口。但係要做到口感細緻，外表光滑，而焦糖顏色鮮嫩，並不容易，時間控制要準確，參看今次的拍Video，就係一個幾乎完美的焦糖布甸出現。

梅子醬的做法 - How to make Green Plums Jam

4月中的青梅已經熟了，不再適合做脆梅，但係可以用嚟做青梅酒、青梅糖漬及梅子醬等美食。今次係做梅子醬，做完出嚟係酸酸甜甜，有梅子獨有的風味，可以用嚟蒸梅子排骨及梅子蒸魚等等。

青梅糖漬/青梅酵素的做法 - How to make Candied Green Plums

4月中打後買的青梅，不是太青绿色，做脆梅的話，有一半唔用得，所以改做青梅酒及青梅糖漬。今次拍片記錄青梅糖漬的做法。

豬肉餡水煎包/水煎包- How to make Pan-fried Pork Buns

突然間好想食水煎包，見到屋企有一盒免治豬肉(做皮蛋瘦肉粥用)，所以就拿來豬肉餡水煎包。今次用半發麵團去做，減少一次發酵，速度快很咗很多，效果不錯。

[清明糕點] 艾草茶粿 - How to make Steamed Mugwort Rice Cakes

今次做應節食品，清明茶粿，艾草茶粿。做3種口味，紅豆沙餡、眉豆菜脯餡及蛋黃肉鬆餡，鹹甜鹹甜，很特好食，一做完，18個茶粿很快就俾屋企人食晒。

[港式麵包] 餐蛋包 - How to make Spam & Scrambled Egg Buns

屋企買咗好多午餐肉罐頭，所以決定搵一些用有午餐肉的食譜來做。呢個餐蛋包係香港某一間麵包店的招牌，它麵包做得很鬆軟，似歐式奶油包果種，唔係普通豬仔包。它刷咗牛油，再配上午餐肉及滑蛋，真係好好食。

檸檬糖漬 / 檸檬酵素 - How to make Candied Lemon

屋企買咗好多檸檬，唔想它變壞，用它來做檸檬糖漬，不但有可以延長檸檬的期限，還可以增加維他命C。今次分享用檸檬糖漬沖水的飲品。

[傳統糕點] 古早味蓮子酥糖- How to make Old Style Lotus Seeds Krispies

蓮子酥糖，又名寸棗糖是閩南的一種喜慶節日用糖果，歷史悠久，嫁娶及滿月等節日送給親戚朋友的。做法類似沙琪瑪，但是用糯米做，比沙琪瑪更脆，更嘢味，更好食。類似麻佬，江米條。新年前收到親戚送來的禮物，決定自己動手做，出嚟效果十分好。

[港式甜品］巨大梳乎厘 - Hong Kong Style Giant Soufflé

農曆新年食得太多煎炸食物，想食一些簡單又好味的東西，所以決定做港式梳乎厘(太平館梳乎厘)。因為它的材料簡單，而且做法十分容易。

當然，我略為更改了雞蛋的份量去就屋企的焗爐；及用檸檬代替雲尼拿糖，焗出嚟嘅梳乎厘鬆軟幼滑，更清甜芳香，一定要試吓。

[賀年糕點] 蘿蔔糕 - How to make Turnip Cake

好快又到農曆新年，今年屋企做蘿蔔糕，順便拍下蘿蔔糕做法，既方便，又省事。

[賀年糕點］紅糖發糕 - How to make Brown Sugar Steamed Cake

發糕，又名發粿，是米製的糕點 (閩南語中米製品都叫做「粿」)。流行於華南地區、台灣、香港，以至華僑聚居的東南亞地區。是農曆新年必備糕點。

發糕在蒸煮的過程中，會因膨脹而開裂，客家人稱此裂痕為「笑」，糕愈發、笑愈深，就象徵新一年運勢愈好。成功的發糕是能夠蒸出如花開一般的裂痕。以下食譜做法簡單，卻能成功蒸出花開富貴的發糕。

[賀年糕點］黃金馬蹄糕 - How to make Golden Water Chestnuts Cakes

農曆新年又快到，今年香甜爽滑，黃金馬蹄糕，這種賀年食品材料簡單、做法又容易，而且好好食。