[港式西餅] 港式開心果拿破倫 - Hong Kong Style Pistachio Napoleon

最近公司附近開咗一間大商場，經過時時常見到，其中有兩間有芒果拿破倫，决定做來食及拍片，但係發覺依家芒果唔當季，不夠甜；所以改最近比較流行的開心果來做，面且加入蛋白餅，做成港式拿破倫。酥皮改用簡易萬用酥皮的做法，蛋白餅加入開心果碎及核桃碎，牛油忌廉醬改用開心果忌廉醬。出嚟效果十分好，酥皮酥到掉渣，開心果醬又香甜美味。

簡易萬用千層酥皮 - How to make Rough Puff Pastry

千層酥皮可以用作很多不同款式的西式甜品，是做甜品的基礎。今次做開心果港式拿破侖，須要用到千層酥皮，但又唔想用複雜的千層酥皮，改用簡易的萬用千層酥皮使法，所用時間比較短，而且一樣都係咁酥脆。

黑芝麻核桃曲奇 - How to make Black Sesame Walnut Shortbread

早排做了一些雜錦曲奇餅，用屋企現有的材料，所以就做了黑芝麻核桃曲奇。黑芝麻核核曲奇做法十分簡單，而且十分好食，所以順便將它拍成影片留記錄。

[萬聖節甜點] 蜘蛛曲奇 - How to make Peanut Butter Spider Cookies

萬聖節又到，臨時决定做一種應節甜點，就諗起蜘蛛曲奇，覺得它好可愛，又容易做，送俾朋友最適合，而且十分好食，小朋友見到一定好開心。

[法式甜點] 莎布雷鑽石曲奇 - How to make Sable Diamant Cookies

最近唔知拍什麼甜點，同事建議做曲奇餅，曲奇餅太容易做，不會太多人睇。最後，決定做法式甜點4種口味的莎布雷鑽石曲奇，圓形曲奇外圍包裹住一層薄薄的白砂糖，閃閃亮亮如鑽石般晶凝通透，既好食又好以送俾同事食。

香芋紫米肉鬆糯米糍 - How to make Taro Purple Rice Pork Floss Mochi

上次做紫米粽還剩了一些血糯米，所以今次决定用血糯米做一些簡單又好味的甜品，見到網上做紫米糯米糍，所以就做香芋紫米肉鬆糯米糍，做出來真係好好食，鹹甜鹹甜。

[中秋糕點] 迷你上海月餅 - How to make Mini Shanghai Moon Cake

做中秋月餅送俾同事，又唔想如上一年咁全部做傳統月餅，所以就加多一種新式月餅，做迷你上海月餅，做法與酥皮菠蘿皮月餅十分相似，只是改用低糖及低油白蓮蓉及鹹蛋黃餡，配上曲奇皮，十分酥脆，又好食。

[中秋糕點] 脆皮麻糬月餅 - How to make Crispy Mochi Moon Cake

上星期做皮蛋酥剩下一些綠豆蓉還沒用到，决定今次用它做另一種月餅，於是做了今次的脆皮麻糬月餅，分別是脆皮麻糬豆蓉月餅及脆皮麻糬開心果月餅，加入麻糬做內餡的月餅，將不是突出的月餅也變特別好食。

[中秋糕點] 酥到掉渣 皮蛋酥 - How to make the Century Egg Pastry

早幾日有個觀衆問我關於幾年前拍的皮蛋酥片的問題，我先記得好耐沒食過皮蛋酥，决定今次拍返條皮蛋酥的片，又可以重溫皮蛋酥的味道。

但是因為唔想按照上條片的食譜做，略為將皮蛋加大，再加上買唔到子薑，只用普通生薑做，所以同上條片有少許分別，不過一樣咁好食。

[中秋糕點] 五仁月餅 - How to make Mixed Nuts Moon Cake

原本係想做金華火腿五仁月餅，但因為打風，沒有買到金華火腿，所以就做素的五仁月餅，同前幾年做的差唔多一樣，隻是改用65g月餅模具，一樣都係咁美味。

[中秋糕點] 芋泥麻糬肉鬆蛋黃酥 - How to make Taro Mochi Pork Floss Egg Yolk Pastry

原本想使芋泥冰皮月餅，不過今次買的芋頭的口感不太好，所以改做芋頭酥，但係又因為鹹蛋黃不夠，加了肉鬆及沙律醬入去，變成芋泥麻糬肉鬆蛋黃酥。鹹甜鹹甜口味一樣都咁好食。

[中秋糕點] 菠蘿皮蛋黃酥 - How to make Pineapple Egg Yolk Pastry

舊年見好多人有拍菠蘿皮蛋黃酥，本來都想拍一條片，但見已經拍咗很多酥餅月餅片就沒有拍，今年就真係拍菠蘿皮蛋黃酥。其實它同蛋黃酥沒有太大分別，只不過加左菠蘿皮，不過一樣咁好食。

[中秋糕點] 柚子、紅莓及紅豆沙冰皮月餅 - How to make Snowy MoonCake

中秋節就到，發覺好耐沒有做冰皮月餅，所以今個星期決定拍冰皮月餅的影片。問同事那一種冰皮月餅最想食，一致選擇最基本內餡的綠豆沙及紅豆沙冰皮月餅。今次就將此兩種內餡變成3種口味，分別是柚子內餡，紅莓內餡及紅豆沙內餡。

[中秋糕點] 抹茶麻糬蛋黃酥 - How to make Matcha Mochi Egg Yolk Pastry

剛剛做咗綠茶蓮蓉餡，所以就即刻做上年極受同事歡迎的麻糬蛋黃酥，它的做法與上次麻薯蛋黃酥一樣，只是餡料改用綠茶蓮蓉餡，酥皮用抹茶油皮。一樣都咁好食，是抹茶愛好者的致愛。

[中秋糕點]綠茶蓮蓉餡 - How to make Mocha Lotus Seed Paste

綠茶餡料有很多做法，可以用不同豆類去做基底，今次我用白蓮蓉來做底料，比較幼滑，有興趣的，可以做參考。其實做法同做白蓮蓉餡差唔多。

椰汁芒果布甸 - How to make Coconut Mango Pudding

最近太熱了，無心機拍片，見到屋企買左很多芒果仔(腰芒)，所以決定又做芒果甜品，今次做咗椰汁芒果布甸，做法十分簡單，又好好味。

[港式甜品] 檸檬麻糬撻 - How to make Lemon Curd Mochi Tarts

早排食過同事的散水餅，是某幾種已經係IG網紅咗幾年嘅麻糬撻，我食嘅係花生麻糬撻，十分好食。不過價錢都幾貴，最平HK$39/個，有D去到四五十都有。我想試吓整幾款撻出嚟食，但係天氣太熱，唔想食太重好味的，所以决定做比較清新消暑的檸檬麻糬撻(自作口味)。雖然，不是用法式的撻模，形態上略為失色少許，但也幾好食。

[港式點心] 蜜汁叉燒包 - How to make Steamed Barbecued Pork Buns

港式點最難整嘅就係蜜汁叉燒包，早排拍過一次叉燒包失敗，一直希望再拍過，今次買咗臭粉再做一次，卻仍然失敗，因為阿摩里亞味太重。最後，將臭粉改成蘇打粉及取消梘水，才做算成功。但係都沒有酒樓飲茶所食嘅叉燒包搬雪白。

水蜜桃芝士蛋糕- No Baked Peach Jelly Cheesecake

最近食過一隻細細個的水蜜桃， 十分好食，想將它來做水蜜桃芝士蛋糕，但因為水蜜桃太好食，水份太多，做了兩次都不能做出漂亮的水蜜桃蛋糕。於是買了另外一些比較結實的水蜜桃回來做，做出來外表尚算可以，但就沒有新鮮水蜜桃好食。

[端午節美食] 紫米豆沙粽 - How to make Purple Rice Dumplings

上星期做咗鹹肉粽，今次就做甜粽。因為想食紫米做的甜品， 所以決定做紫米豆沙粽，但係唔想因為包咗紅豆沙餡後，睇唔到效果，所以加咗綠豆沙，令到粽的外表更突出。

[端午節美食] 蛋黃肉粽 - How to make Pork Rice Dumplings

端午節就快到，公司同事稱讚我舊年做的肉粽好食，所以我決定返拍肉粽，包完的鹹肉粽順便請同事食。今次做咗25個，粽子略大過上年少許。拍完片，已經食咗兩個，真似好好食。

奶茶脆皮麻糬波波 - How to make Crispy Milk Tea Mochi Bread

早幾日去某間古早味蛋糕麵包舖買咗一包原味麻糬波波吃，真係好好食，覺得唔係好夠喉，決定返屋企做來吃。但係又唔想太單調，決定做我最鍾意嘅奶茶味，加上一層皮菠蘿皮入去。做出來的奶茶脆皮麻糬波波真係超好食，外脆內軟，又有奶茶味，真係食唔停口。

[港式點心] 叉燒酥 - How to make Barbecued Pork Pastry

屋企雪櫃有塊叉燒，諗住做叉燒包，但係因為沒有包子麵粉及臭粉，所以改做叉燒酥。為咗酥皮更酥脆，油皮部分改用猪油，做出來的十分好食。

[母親節甜品] 士多啤梨玫瑰千層蛋糕 - How to make Strawberry Rose Mille Crepe Cake

母親節就快到，見到綱上做的玫瑰花千層蛋糕十分漂亮，我也來試吓做。不過就改為士多啤梨味的玫瑰花千層蛋糕，這樣顏色更鮮艷，更過配合母親節，而且內餡是用淡忌廉加士多啤梨醬，酸酸甜甜，香甜美味，超好食。

[港式甜點] 港式芒果糯米糍 - How to make Hongkong Style Mango Mochi

以前很容易買到呂宋芒果，但係近幾年就很難揾到。就算搵到大芒果，但係都唔係呂宋芒果，而且都唔好食，所以想做長洲芒果糯米糍都唔容易。不過如果改變想法，將芒果改用甜糯的腰芒，外型差不多，但係，比較細隻，出嚟的效果也十分好。

迷你日式芝士蛋糕 - Mini Japanese Soufflé Cheesecake

早幾日喺某間超市見到某名牌忌廉芝士做特價，立即買咗兩盒，用其中一盒拿來做今次嘅迷你日式芝士蛋糕，細細杯好好食，話咁快就食完。

千層馬蹄糕 - How to make Water Chestnut Layers Cake

屋企剩低一盒新年買嘅馬蹄粉，為免留至過期，所以決定今次做千層馬蹄糕。其實做法和馬蹄糕差唔多，只係步驟多啲。

千層吐司 - How to make Croissant Toast

今次做嘅[千層吐司]，是最近香港好紅的一種麵包。其實，年幾前已經喺YouTube 見過其它地方有人做，同我之前的丹麥手撕包差唔多做法。但係可能它強調嘅是千層及吐司，不賣弄花樣或摺疊造型，反而酥鬆及層次才是它的主要賣點。所以試咗幾次才略為成功。

免焗芒果批 - How to make No Bake Mango Pie

屋企買左很多芒果仔(腰芒)，所以做一個簡單、快趣，又好味的甜點，就係免焗芒果批。

[港式點心] 潮州粉果 - How to make Steamed Chiu Chow Dumplings

最近成日去某間點心連鎖店買潮州粉果食，呢間鋪頭新出的「潮州粉果」好好食，同觀塘某間出名的「潮州粉果」相似，同傳統「潮州粉果」有些唔同，比較多肉，同埋沒芹菜韮菜，沒咁乾，有少許汁，好好食。

[傳統糕點] 紅豆鬆糕 / 紅豆米糕 - How to make Steamed Fluffy Red Bean Rice Cake

喺街市買咗一塊鬆糕食，好鬆軟，好好食，不過太細塊。所以返屋企做就做咗一塊大嘅，而且做得好好食，做法十分簡單，值得去試吓。

爆漿檸檬吉士冬甩- How to make Lemon Custard Donuts

早排有人請食一間出名小店的冬甩，即叫即做，麵包鬆軟綿密，但係內餡比較油漏及稀。我決定自己做，但係一拖就拖左幾個月，今次終於做咗自己版本的吉士冬甩，特別加檸檬來調味，使到油炸食品沒咁漏。而今次的麵包體也很鬆軟綿密，好好食。

爆漿藍莓千層蛋糕 - How to make Blueberry Mille Crepe Cake

上次做焗藍莓芝士蛋糕用剩的藍莓醬，有人問我剩餘的藍莓醬點用，如果平時，我一定拿來擦麵包或做雪糕，但因為香港天氣仲有少許凍，所以就拿做來千層蛋糕，就係藍莓千層蛋糕，配上酸酸甜甜的爆漿藍莓醬，真係超好食。

意大利咖啡芝士蛋糕 - How to make Tiramisu Cheesecake

新年食剩咗好多金沙朱古力，就想做一款甜品嘅可以配金沙來食，而且又簡單又容易的。意大利芝士餅-Tiramisu 就是最好的選擇。但係屋企沒有Mascarpone ( 意大利馬斯卡邦尼芝士)，我之前又拍過關於Tiramisu 的片，所以今次就做改良板本，嘅好食又容易做。

[情人節甜品] 焗藍莓芝士蛋糕 - How to make Baked Blueberry Cheescake

情人節就到，今次做一款超好味的芝士蛋糕，就係藍莓芝士蛋糕，男女老少都鐘意食。它幼滑鬆軟，酸酸甜甜，不油不膩，而且沒有加任何粉類。

醃韓式泡菜 - How to make Korean Kimchi

冬天大白菜當造，是做泡菜最佳時侯。我最鐘意食韓國拉麵配韓式泡菜、半生熟雞蛋及芝士。所以冬天一定會做一些Kimchi放係雪櫃慢慢食，依家拍片記錄下來。

[賀年糕點] 芋頭糕 - How to make Taro Cake

話咁快又一年，舊年農曆新年拍蘿蔔糕片，今年就拍芋頭糕，其實芋頭的做法同蘿葡糕差唔多，甚至比蘿蔔糕更容易做，更快，而且好好食，最緊要搵到靚芋頭，做出來的芋頭糕一定好食。