18件麥樂雞餐

唔知麥記幾時開始有18件「麥樂雞」賣，我係見到you tube有人將D「麥樂雞」倒晒出來堆成山咁，先知麥記有提供此餐。

自從麥記有18件「麥樂雞」賣期間，我一共吃左4次 (當然同人share食)。
D「麥樂雞」塊乾爭爭，買它來吃唔係因為覺得它變好食左，只係貪它多左件數，可以醫口痕，又可以慢慢食…！！
不過，最近食多左「麥樂雞」，睇怕有排都唔想再見到…！！！

18件的「麥樂雞餐」也有帶少少變化，就係它的醬料確特別左少少，唔係平時食開果兩種醬料，而是用了全新的4種滋味醬料。

它們分別是：Honey Mustard蜜糖芥苿醬，Singapore Curry星洲咖哩醬，Sesame Miso 味噌芝麻醬，Korean Chilli韓風辛辣醬。

呢4種醬，我最鐘意Honey Mustard，因為它甜甜哋，脆脆哋，有些微辣(washipi的味），好特別。此醬點在麥樂雞上，感覺麥樂雞特別脆及香口。

其他醬料，我就唔覺得太配「麥樂雞」。

Korean Chilli，如果將它配炒麵一定更好味及適合。

Singapore Curry怪怪地，我食落有D想吐的感覺。

Sesame Miso，如果配鳥冬冷麵，就perfect拉。