台灣遊 - Day 5 (2 Aug 2010)

酒店吃早餐-> 在7-11查六福村票價-> 訂維格鳳梨酥->搭捷運去忠孝敦化站.->坐台聯客運去六福村.->六福村返忠孝敦化站.-> 鼎泰豐晚餐->搭捷運線返回酒店休息->


酒店早餐
我哋八點零鐘已經落樓吃早餐，因為媽媽鐘意早起身早吃早餐。好彩早落樓，如果唔係就搵唔到位吃早餐位。嘩！唔係嘩？以為自己還在香港？成間餐廳D人幾乎全部講廣東話，可能它係新酒店又係香港做promote，所以咁多香港人住呢間酒店。呢間酒店吃早餐既餐廳好細間，D食物選擇又唔多，但尚可接受。

半夜逃亡
我們差唔多吃完早個餐時家姐他哋先落到來，他哋話睡眠嚴重不足，因為昨晚他哋房既廁所半夜無拉拉自己「爆水管」，搞到他哋半夜逃亡，被安排上12樓住。他哋因禍得福，因為新房間大左好多。


買六福村門票
吃完早餐後，問家姐一家決定去「小人國」或「六福村」，他哋一致決定去「六福村」，因為有機動游戲玩。我們就去隔離間7-11查問關於「六福村」的票價，發現原來有「下午特價票」--NT450。由於現在已經是九點幾了，再加上搭車去須時個幾兩個鐘，買全日票唔化算，所以我們決定買「下午特價票」。

訂維格鳳梨酥

由於我們沒有時間去圓山站既「維格餅家」買「鳳梨酥」，買完「六福村」的票後我們上返回房間後，我就打電話去「維格餅家」訂鳳梨酥，講底您的「酒店」及酒店地址、姓名、房間號碼，聯絡電話就OK，它第3天送到，貨到付款。如你怕送貨時沒人接收，可以放錢在酒店接待處，他們會幚你搞掂。

忠孝敦化站候車
我們11點零鐘搭捷運去「忠孝敦化站」，係8號出口出，行去對面碼路的「巴士站」等車。「巴士候車站」越來越多人，可能大家都係想下午去玩比較平吧。等左大約半小時，架巴士終於到了，但架車已經半滿，有一大堆人堆在我哋前面，我哋根本迫唔到上呢架車，唯有等下一架。

雖然，已經有一架車載走了部份人，但好快又有好多人到來。等多三十幾四十分鐘才有架車到來，避免上唔到車，我哋好有策略咁堆係巴士的門前，呢次終於俾我哋迫到上車，而且搵到位坐。

買車票
上到車是不用買票的，司機叔叔開架車到「龍潭站」會叫你落車買票的。爲免俾人坐左你個位，搵個代表去買票就得拉!! 最好買來回車票!!@@

六福村
我們大約兩點零鐘去到「六福村」，到達第一件事係搵食，因為真係好肚餓。但是「六福村」真係好大架......有唔同區，家姐堅持要搵什麼日本拉麵，她在入口處見到有廣告牌有寫，但我們根本唔知係邊區....只好隨便搵D便當吃。

之後就各自玩，因為家姐一家要去玩機動游戲 ，而我同媽媽都唔鐘意玩機動游戲，我們只是Hea在一間快餐等他們，等到太陽沒有咁熱先出去影一些到此一遊的相。

原來我們一入去是在「美國西部區」所以搵唔到家姐想的東西，由「美國西部區」行去「南太平洋區」有些好D的餐廳架，有泰式及日式等。「南太平洋區」有好多比較受歡迎的機動游戲，我們又在呢區見到巡迴表演，呢區係最多人架。之後我們行去「阿拉伯皇宮區」影相，再行去「非洲部落」看動物。

鼎泰豐忠孝店
我哋六點幾差唔多七點搭車返「忠孝敦化站」，到達時差唔多九點，決定去「鼎泰豐忠孝店」吃晚飯。因為它比較近，係忠孝敦化站3號出口出就到，唔使「舟車勞頓」就有得食。

我哋行到去「鼎泰豐」時已經接近九點了，店外沒有像以前去吃晚飯須要排隊，一入到去已經有位，而且𥚃面既人客不多，可能已經晚了吧。

我每次來台灣旅行必定有一餐晚飯是來「鼎泰豐」食。「小籠包」及「蟹粉小籠包」是必叫的，所以我就搶先各樣叫1左籠，後來家姐他哋認為「小籠包」已經好好食，唔須再叫什麼「蟹粉小籠包」，他哋又加多2籠「小籠包」。除此之外我哋又叫了「牛肉麵」，「炒通菜」（即空心菜）、「酸辣湯」、「蝦仁炒飯」及「油炒手」等等，總之他們好似餓鬼咁叫唔停手。

呢餐晚飯大家都覺得「好好食」，連最鐘意多多意見的姐夫都話好食。最後，姐夫買單大約NT2450，即港幣六百零元，媽媽叫我幚手出NT1000。

嗌交
返到酒店後，唔知乜因由....咁無聊...會討論台灣富商與某位香港女明星的緋聞，家姐堅持她的客人先係台灣首富....我話雜誌明明講係另一位....搞到嗌晒交....連她的一對仔女都帶走。

咁重好...我同媽媽可以有一晚清靜....。