Bella's Blog: 台灣遊 - Day 6 (3 Aug 2010)

酒店吃早餐-> 台北總統府.->台北車站->搭台鐵去瑞芳站->搭巴士上九份.-> 九份午餐->由九份搭巴士返台北-復興北忠孝站->搭的士返酒店休息->坐捷運去士林夜.-> 坐捷運返酒店休息

雖然昨晚嗌咬，但是我哋吃早餐時已經沒事了，一家人沒隔夜仇架！！在吃早餐時我建議加個「總統府」遊，因為如果吃完早餐立即起行去「九份」略為早左D，人家D店舖唔知開左未？而且我也未去過「總統府」，去遊覽吓也無妨！@@

遊台北總統府
酒店很近「總統府」所以我們吃完早餐後行路去「總統府」，之前上網查過去參觀「總統府」一定要带PASSPORT否則入唔到去，所以我再三叮嚀他哋PASSPORT一定要隨身，準備好晒我哋就「浩浩蕩蕩」由酒店行去「總統府」。

「總統府」門口有D士兵把守住，唔俾「閒雜人」等進出，遊客進入去參觀前要先拿出PASSPORT給門口士兵檢驗，OK後才可入去。我、媽媽及小寶都順利通過，回頭卻見唔到家姐，姐夫同仔仔他哋。他哋不合格唔可以入去，以為他哋帶漏左PASSPORT所以沒得入，原來他哋腳上全部着「BLACKERSTONE」的拖鞋，穿拖鞋係唔入得「總統府」架，呢D叫「衣衫不整」....真係嘔凸....@@@
唯有…叫他哋係門口等我哋，沒理由返酒店換鞋吧???

遊客進入去「總統府」係唔準影相，參觀人士會按人數分為一組組，一組大約十人，有一位導遊帶住一組人去參觀，一路參觀一路解釋台灣歷史及「總統府」歷史等等。帶我們參觀果位導遊女士講解得好好，D國語講好清楚，好易明，連以「廣東話」為母語的「小寶」也聽得津津有味，不停點頭表示明白，誰說香港小孩只係識得HEA呢? 如果你講D故事有趣，一樣可以激發小孩子追求知識的樂趣。

參觀「總統府」似乎比我們想像中長時間，我們出來時已經十一點五十分了，家姐他哋就係「總統府」前面果幾棵樹既樹底下等我咃，等到傻!!@@@

搭台鐵去瑞芳
然後，我咃分兩架的士搭去「台北火車站」。今次我咃係想搭台鐵去「瑞芳」，然後轉車去「九份」，車程大約45-50分鐘， NT100/位。

這種台鐵有如我們搭「九廣鐵路」由紅磡火車站去到上水，不過架火車比較舊式，而且車速比較慢，但架火車好亁淨，好有鄉村或民初FEEL。

搭巴士上九份
由「瑞芳站」跟人群行出去，就見到瑞芳的中心地方，這裡有巴士站可以選擇你要去的地方巴士線搭巴士，去「九份」的巴士線是最多人排隊的，巴士大約NT20/位，可以用悠遊卡，車程大約15分鐘。

遊九份
巴士到達九份後落車，就見到有7-11的入口處，進入去就係淡水老街，兩旁有不同的手信及吃台式小吃的舖頭，我們一路行一路睇睇買買。

芋丸
首先見入去吃「芋丸」，我同阿媽一見到買芋丸的店就跳入去買來share吃，因為我們都很懷念上次的九份芋丸，但今次「芋丸」有上次吃的「芋丸」咁好食，而且份量少好多，「芋丸」加了很多冰，我D被騙的感覺…！！

張記九份傳統魚丸店午飯
呢間「張記九份傳統魚丸店」上次我同阿媽來食過D「魯肉飯」及「魚丸湯」…好好食！！

今次再來是因為間間店舖都很滿，我哋行經「張記九份傳統魚丸店」門口問一問「老板娘」有沒有6人位，她立即安排到一間房給我哋坐。我哋一坐底就叫一大堆食物，因為我哋都已經好餓了，而且它D食物好細份。我們叫左「魚丸湯」、「油豆腐」、「海帶」、「炒青菜」「魯肉飯」、「乾麵」和「醉雞」等等。

「張記九份傳統魚丸店」D食物保持水準，沒有令人失望。

搭巴士返台北
大約四點幾我們就離開「九份」，因為我們買左大包細包一大堆，唔想過左五點幾後同人迫車。呢次回程我哋在「九份」搭巴士直接返台北的「復興北忠孝站」，車程大約90分鐘， NT120/位。到左「復興北忠孝站」後在落車處搭的士返酒店休息。

去士林夜
返酒店休息後，我哋七點幾坐捷運去「劍潭站」既「士林夜市」。呢次係家姐他們第一參觀台灣夜市。家姐他們好鐘意行「夜市」掃街(隨街買東西吃）。

我帶他哋試杯「白肉苦瓜汁」。