Bella's Blog: 長洲一日遊（上集）

2012年12月22日星期六

長洲一日遊（上集）

地鐵站->去中環站 -＞中環五號碼頭-> 搭船去長洲-> 逛長洲 -> 踩單車-> 逛長洲市集-> 搭船回中環->中環6號碼頭 -＞中環站轉北角站-> 北角東寶小館晚餐->各自回家

好耐沒有一家人去飲茶，原本想約家姐他哋一家去飲茶，點知家姐他哋打算去長洲玩一日，我同阿媽也跟他哋一齊去長洲。

我哋原本約左十一點四十五分係地鐵站等，他哋一家人竟然遲大到，十二點半先斯斯然到，到左之後還拿我同阿媽着羽絨褸來取笑，唔該今天才十六七度，遲D凍死你哋就知味道！哈哈!!@@

中環搭船去長洲
我哋一齊搭地到中環站，然後係中環站A出口出，再上天橋行去港外線碼頭／中環碼頭，沿途天橋走會看到IFC的Apple Store，裡面似乎仍然好多人。再走2-3分鐘就到5號碼頭(去長洲是在5號碼頭)。

我們去到碼頭剛剛搭到班一點十五分的普通船，如果要搭快船，還要等多半小時，到達的時間間差唔多。船費HK$12.6，小童HK$HK6.3，可以用八達通。

可能今天是星期六，有D人已經開始放聖誕假，襯放假也去長洲玩吧！再加上很多大陸自遊行的遊客，所以架船幾乎是滿座，我們一行6人也要分開兩處才有位坐。玩玩手機或互訢近況，六十分鐘的船程很快就到了。

茶餐廳午餐
我哋大約下午二點幾到長洲，已經是中午時分，所以一到岸後第一件事是搵食。我哋係一間茶餐廳坐下，叫了5份餐Share吃，咖哩雞飯，公司三文治，楊洲炒飯，番茄猪扒意粉及海鲜炒鳥冬，大家都搶着食。我未影相D咖哩雞飯及公司三文治已經食晒了，可能大家都已經好肚餓吧!! 覺得D食物幾好食!!!@@

吃完飯後就係長洲主街上隨便行行走走。雖然臨近聖誕節，但長洲卻沒有如城市的濃烈聖誕氣芬。長洲超多人，很熱閙，但仍然保留着魚村的簡樸。

租單車來玩
行行下見無聊，我們決定租單車來玩，由於媽媽同姐姐都唔識踩單車，所以我哋租了兩架單車及兩架三輪車玩。租金大約百六七元，可以玩一個下午。姨生仔及姨生女，他哋各自踩一架單車，姐夫踩三輪車載家姐，我踩另一架三輪車載媽媽。我已經好耐沒踩過單車了，唔知自己重識唔識，但踩三輪車就完全唔須技巧，很容易上手。

我哋開頭只是沿碼頭附近踩，後來跟其他人一路踩去西堤果邊。長洲的西堤建了一條好直好乾淨的路，沒有任何車輛可經過，可以自由自在地係樹踩單車，最適合初學踩單車人士。我哋着沿西堤來回咁踩單車，玩得不亦樂乎。

長洲街邊小食
可能平時少運動，踩三輪車踩一個多小時我已經沒晒氣力，幾乎連踩架三輪車由西堤去碼頭還車的力氣都沒，須要停下踩下，累死人!!!。最後，我們五點幾就還車，沿主街一路行一路係街邊買東西吃。

長洲大大粒魚蛋，HK$10兩粒。家姐一家最鐘意的，毎一檔魚蛋檔都去買二十元來試下。發覺魚蛋每檔都係一樣，但D汁毎一檔都不同，近碼頭有一檔最多不同口味，下次可以再去買來吃。