Bella's Blog: 第9日 - 28/April - 全日Woodbury Common Premium Outlets購物

Coach

因為在網上看到有人講Coach幾好幾抵買，所以一踏入到去Woodbury Outlet第一件事是去Coach店排隊。因為時間尚早，還沒有太多人在排隊，等了大約10分鐘，Coach就準時於10:00開門。Coach店裏有Sales派Coach的折扣券給你，那是50% 折券，原來剛剛在Information Center裡面換取的Coupon Book是沒有Coach的折扣券。

+相片來看網絡

我在Coach店裡頭行了一圈，我覺得它嘅東西不好看，唔明點解D人搶住買，特別是它monograph logo個D款更是醜到沒人有，織布上的Logo嚴重起橫，話俾人知是假的都有人信，而且款式很老土。但是，一場來到，唔買D東西走，又覺得很對不起自己。最後，俾我見到一個斜袋，帶起上來沒咁師奶，就順便影張相what's app俾二家姐問下意見，她竟然後話她都要，搞到我兩個都買。

兩個袋都應該不是真皮的，細的袋折合為港幣$980，大的袋折合為港幣$1300。另外，我又買左一條100%fine merino wool scarf，大約港幣400。(P.S.買完回香港二家姐話這兩個袋都好核突，同我what's app俾她的相片唔同，唔肯認數。最後，只好送給媽媽。以後真係唔好幚人買東西﹍分分鐘要嘔凸﹍！！)

Polo Ralph Lauren Factory Store

因為家姐要我幫她買Polo恤，話說香港大約八九百元件。所以行完Coach後就去Polo Ralph Lauren睇吓，裡面嘅衫真係沒有什麼好看......除了「細馬仔的Polo恤」，就係「大馬仔Polo恤」，女裝更悶。

最後，幫家姐買了兩件女裝Mini-Polo恤及2件男裝Polo恤，順便買1件Polo恤送俾老豆(沒有影相），5件Polo恤減價後合共USD240，如果購滿USD250用Coupon Book裏的折扣券可以再減USD20，但是真是搵唔到合適，所以沒有加買。

Tommy Hilfiger Company Store

逛完Polo Ralph Lauren後就逛Tommy，最主要是幫姨甥仔買T-恤。Tommy的男童裝好Colorful好有型，好適合偏肥的香港細路仔。其實，Tommy男裝都唔差，反而女裝睇唔到一件合心水。最後，幫姨甥仔買了4件Polo恤，只須USD82，相當便宜。

Nike Factory Outlet

有人講過Nike Factory Outlet的波鞋唔會平過香港，但是，我答應過送一對靚靚波鞋俾媽媽，所以我買完Tommy衫就去Nike。一入去好興奮，因為見到很多特價波鞋以為好平，所以就不斷搵不斷試，咁又過左成個鐘......！！

最後，發覺D特價波鞋沒對靚，反而見到一對USD69.8適合媽媽，但是又覺得8號偏大，又再試又要再捻吓。俾我見到一對適合我的波鞋，最後買了兩對，但是D Coupon用唔到，加左8.5%稅後差不多USD140兩對，真係不便宜，香港D款可能更好睇更平。

The North Face

話說我4月23日晚在Boston 唐人街的「香港超級市場」買杯麵時，見到一位靚女着住件黑色The North Face 的Gore Tex風褸，真係型到爆…！！估唔到Gore Tex可以著到咁靚…咁有型…！！我一心諗住來Outlet睇下有沒有同一款風褸賣。

+相片來看網絡

但是，估唔到一行入去The North Face間店，成間店大部份都係黑色Gore Tex....??有不同厚度及款式，但是叫我如何揾呢？拖住一堆大包細包的纸袋，我只有慢慢找…慢慢試…，試衫試到整個人差點點虛脫，就是磨不到我想搵嘅款式，唯有放棄。其實，如果有時間…有精力…一定要找到件The North Face的Gore Tex風褸…來穿，因為這裏的Gore Tex風褸只是USD200-300，相當抵買。

GAP
行完The North Face 就去對面行GAP，成間店很大，試身室又好大，但是沒有什麼好選。最抵買是有GAP Logo 的Sweatshirt (USD16) 及 Sweatshirt外套 (USD24)。因為 Sweatshirt質地偏厚，怕行李符號太重沒有買，返香港後有少許後悔。

只是買了5件半價GAP Logo ，連稅都不須港幣$100元/件，是送俾姪女她哋的最好禮物。

UGG Australia

之後行去比較偏僻的角落UGG Australia，去UGG純粹是去見識吓正版UGG Australia雪靴的樣，但是見店裏不是太多人，當然是坐底試穿吓正版UGG Australia雪靴的的感受。這樣就俾我試了3款不同長度的鞋，原本我只想試吓....後來，我開始有D心大心細…覺短靴比較適合我…！！但是短靴只是同中靴差USD10，所以最後選擇了顏色特別的Navy色中靴比較化算（連稅USD168，唔知平或貴？）

午餐
我剛剛買左一對UGG Australia鞋後，人已經差不多餓暈了，唯有在隔離士多店裏買個熱狗及橙汁(USD6)，並在附近返公園的餐枱上坐底慢慢吃。吃完體力又恢複了不少，但是我行李一大堆，又重又累....並不方便我拖趕回Outlet中心再愽殺過，但是又不想坐在熱日當空下給陽光晒到皮膚敏感，只好走了去Levi's看看及涼一涼冷氣。

Levi's Outlet Store

我總覺得世界各地的Levi's牛仔褲沒有香港的Levi's牛仔褲來得好睇，所以這次Outlet之旅，Levi's 並不是我的目標，雖然我是Levi's牛仔褲的Die hard fans。但是好死不死Levi's在UGG Australia隔離，都在比較偏僻的角落。吃完午餐後，我踏入Levi's店涼一涼冷氣。
一踏進店裡去，立即被Skinny 牛仔褲的特價牌吸引過去，USD39.99/PC - If you buy more than one piece﹍哇，不得了﹍！！咁平的牛仔褲教你如何不行近它呢？？於是拿了幾條不同色的牛仔褲，拖著一大堆行李去排隊試身。好彩前面只是幾位歐洲佬在排隊，很快就輪到我。

雖然，穿得落所有牛仔褲，但是淺色的特別緊，D肥肉都揤晒出來，好核突。於是我又拖著一大堆行李去換，Sales姐姐話因為有D顏色是有stretch(彈性)，有D是沒的，所以even同一個size，唔同色的 fitting也不同，唯有試多個碼。最後，買左3條唔同色Levi's skinny jeans成為USD125(連稅），問收銀姐姐點解用唔到Coupon，她話呢D產品已經是特價品，沒有further discount。

離開Levi's 店時，我的行李又多了3條牛仔褲，已經重到沒有氣力再走了，第一件事是立即拿地圖出來看那裡有賣行李箱的地方，只有兩處，就是Luggage Factory及Samsonite。但是要走返去Nike factory outlet 中心附近。

Luggage factory

我先行入去Luggage Factory看等，這裏有很多牌子的luggage，例如新秀麗，Knennth Cole， Desley等牌子的等，價錢USD160-300不等。心諗再去新秀麗睇下。於是拖著一大堆行李去隔離的新秀麗。

Samsonite

基本Samsonite的行李箱都是USD200起跳，而且D款式都好老土，Luggage Factory的行李箱比較好睇。但是，精力已經用盡的我﹍真係行唔到，就隨便拿了正在促銷的25/26吋行李箱，此行李箱USD198.9，連稅USD205，還送一個Samsonite的手提行李袋。加USD8可以換一個海關鎖，但是我沒有換。

+相片來看網絡

其實，USD205的Samsonite的行李箱不貴，但是對於一個長期有人送行李箱給你用的人來講是超貴。唯有安慰自己這個價錢就是這麼多年所用的行李箱的價錢，只是一次過俾。買完行李箱就立即拖出去出面整理，很快整個行李箱都裝滿了…身鬆晒！！

Nine West

之後拖着行李箱去逛Nine West睇鞋，D鞋好似全部都過晒時，唔係咁好睇，而且減價後價錢在USD $40～USD $80之間，真唔抵。其實，Coach有些平底鞋減完價才USD60，比Nine West的鞋更好看，只是當時一心看手袋/包包，沒有買。

+相片來看網絡

Clarks Bustonian
逛完Nine West，就去行Clarks。我最主要是去看有沒有女裝boots(長靴)賣…？因為我是Clarks女裝boots(長靴)的超級粉絲。它的boots(長靴)舒適兼有型，而且我查過美國Clarks女裝boots(長靴)比英國便宜…當然又比香港便宜，因為香港是英國版。但是在Outlet看不到，可能冬季才有女裝boots(長靴)賣…！但是，Clarks 男裝皮鞋都很便宜，著開Clarks 男裝皮鞋的人可以留意吓。

Armani Exchange
間鋪真係好亂，D衫又唔好睇，成間舖似貨倉多過似間店。但是見有人在特價車裡好似挖寶咁，於是我又學人去挖一份。最後，俾我搵到3件T恤USD28/件，是我這次買得最貴的特價T恤，手工不太靚，領圈起趨...！？